• अर्थ सरोकार सम्बाददाता 

काठमाडौं । पेप्सीकोलास्थित सनसिटी अपार्टमेन्टका दुई जना निको भएका छन् ।  स्वास्थ्य तथा जनसंख्या मन्त्रालयका प्रवक्ता डा. विकास देवकोटाले बिहीबार आयोजित पत्रकार सम्मेलनमा पेप्सीकोलाको उक्त अपार्टमेन्टमा बस्ने ५८ वर्षीय छोरा र ८१ वर्षीया आमालाई निको भएको जानकारी दिए । उनीहरु बिहिबारनै अस्पतालबाट डिस्चार्ज  हुनेछन् । 

उनीहरु दुवै जना पाटन अस्पतालमा उपचाररत थिए । नेपालमा निको हुनेको संख्या ९ पुगेको छ भने संक्रमितको हुनेको संख्या ४७ पुगेको छ । बेलायतबाट फर्किएको झण्डै एक महिनापछि एकै परिवारका तीन जनामा कोरोनाको संक्रमण देखिएपछि उनीहरुलाई गत वैशाख १ गते पाटन अस्पताल भर्ना गरिएको थियो । पीसीआर टेष्टमा कोरोना नेगेटिभ देखिएपछि बुहारी भने यसअघि नै घर फर्किसकेकी थिइन्।