">
काठमाडौँ । प्रधानमन्त्री केपी शर्मा ओलीले जनताका नाममा सम्बोधन गरेका छन् छन् । उनले आजबाट ८ दिन लकडाउन बढाउनु आफ्नो बाध्यता भएको बताएका छन् । आफ्नो जेल बसाइ सम्झिदै उनले लकडाउनका बेला कस्तो अनुभव हुने भन्ने विषयमा आफुलाई थाहा भएको भनाइ उनको छ ।
उनले अबका केहि साता थप चुनौतिपूर्ण रहने बताएका छन् । घुमाउरो पाराले उनले फेरी बैसाख ३ पछि पनि लकडाउन बढाइने संकेत देखाएका छन् ।
उनले विदेशबाट आउने सबैलाई क्वारेन्टाईनमा बस्नसमेत आग्रह गरेका छन् । उनले सरकारले महामारी रोकथामका लागि काम गरिरहेको बताएका छन्। उनले आफुलाई सबैलाई सहयोग गरिरहेकोसमेत दावी गरेका छन् ।उनले आउँदा २ हप्ता सबैका लागि थप चुनौतीपूर्ण हुनसक्ने बताईरहेका छन् ।
उनले चिकित्सकसहित अस्पतालका सबै कर्मचारीहरुलाई २५ लाखको बीमाको व्यवस्था गरिएकोसमेत बताएका छन् । साथै उनले कोरोनाको संक्रमण फैलिन नदिन सरकारले काम गरिरहेको र केही दिनमै नयाँ ट्रेसिङ एप सुरु गर्ने तयारी भइरहेको बताएका छन् ।
