• अर्थ सरोकार सम्बाददाता

बारा – राहतमा कुहिएको दाल वितरण गरेको आरोपमा पक्राउ परेका बारा कलैया उपमहानगरपालिकाका मेयर राजेशराय यादवलाई जिल्ला प्रशासन कार्यालयले अनुसन्धानका लागि ६ दिनको म्याद थप गरेको छ । प्रहरीले यादवमाथि थप अनुसन्धान गर्न आवश्यक रहेको भन्दै म्याद थपका लागि जिल्ला प्रशासन कार्यालयलाई आग्रह गरेको थियो । सोही अनुसार म्याद थप गरिएको हो । 

मेयर यादवसहित सोही प्रकरणमा पक्राउ परेका वडाध्यक्षहरु सहित ११ लाई म्याद थप गरि अनुसन्धान भइरहेको बारा प्रहरीले जनाएको छ । राहातका नाममा कुहिएको खाद्यान्न वितरणमा संलग्न कलैया उपमहानगरपालिकाका ५ जना वडाअध्यक्ष सहित २ जना कर्मचारीलाई प्रहरीले पक्राउ गरेको थियो ।