">
- अर्थ सरोकार सम्बाददाता
काठमाडौँ – प्राइम कमर्सियल बैंक लिमिटेडको चालु आर्थिक वर्षको तेश्रो त्रैमासको वित्तीय विवरण सार्वजनिक गरेको छ । सार्वजनिक गरेको विवरण अनुसार बैंकको खुद नाफा ३१.१९ले बढेको छ । गत वर्ष १ अर्ब ४७ करोड रुपैयाँ आर्जन गरेको बैंकले यस वर्ष बढेर २ अर्ब ३ करोड रुपैयाँ पुर्याउन सफल भएको छ ।
बैंकको खुद ब्याज आम्दानी ३ अर्ब ३४ करोड रुपैयाँ रहेको छ। बैंकको खुद ब्याज आम्दानी गत वर्ष यही अवधिसम्म २ अर्ब ६० करोड रुपैयाँ रहेको थियो। बैंकले तेस्रो त्रैमाससम्म २ अर्ब ८९ करोड रुपैयाँ सञ्चालन मुनाफा आर्जन गरेको छ।
यो तेश्रो त्रैमाससम्ममा बैंकले १ खर्ब १४ अर्ब रुपैयाँ निक्षेप संकलन गरी १ खर्ब ११ अर्ब करोड रुपैयाँ कर्जा लगानी गरेको छ। समीक्षा अवधिमा बैंकको रिजर्भको आकार ११७.१८% ले बढेर ५ अर्ब ४५ करोड रुपैयाँ पुगेको छ। गत वर्ष यही अवधिमा बैंकको रिजर्भमा २ अर्ब ५० करोड रुपैयाँ रहेको थियो।
बैंकको निष्क्रिय कर्जाको दर ०.६१%ले घटेर ०.९७% रहेको छ । गत वर्ष यही अवधिमा बैंकको यो दर १.५८ प्रतिशत रहेको थियो । त्यस्तै बैंकको कष्ट अफ फण्ड ८.०३ प्रतिशत र आधार दर ९.८५ प्रतिशत रहेको छ । बैंकको प्रतिशेयर आम्दानी १९.३६ पैसा रहेको छ भने प्रतिशेयर नेटवर्थ १४४.६२ रुपैयाँ रहेको छ। त्यसैगरी बैंकको मूल्य आम्दानी अनुपात १३.०२ गुणा रहेको छ।
