• अर्थ सरोकार सम्बाददाता 

बारा – देश लकडाउनको मौका छोपेर सहकारी संस्था ठगी धन्दामा लागि परेको पाइएको छ ।कोरोना भाइरसको सन्त्रासमा मुलक लकडाउनको अवस्थामा रहेको समयमा बाराको एक सहकारी संस्था भने ठगी धन्दामा लागि परेको पाइएको हो । प्रसौनी गाउँपालिका ५ प्रस्टोकाबाट अवैध रुपमा बिक्रीको लागि लुकाई राखेको ५० केजीका २९ बोरा युरिया र १० बोरा डिएपी मल प्रहरीले बरामद गरेको छ। उक्त ठाउँका शम्भु साह र रमेश साहले प्रसौनी गाउँपालिका–६ स्थित ऋषि बाल्मिकी कृषि सहकारी संस्थाबाट युरिया तथा डिएपी मल लुकाई छिपाई राखेको अवस्थामा नियन्त्रणमा लिएको हो ।

अनुमति प्राप्त कृषि सहकारी संस्थाहरूले कृषि सामाग्री कम्पनी लिमिटेडबाट मल खरिद गरी सोझै किसानलाई बिक्री गर्नुपर्ने हो । तर शम्भु साह र रमेश साहलाई ऋषि बाल्मिकी कृषि सहकारी संस्थाले अनाधिकृत रुपमा मल उपलब्ध गराएको देखिएको जिल्ला प्रहरी कार्यालय बाराले जनाएको छ ।