">
- अर्थ सरोकार सम्बाददाता
काठमाडौं । समता लघुवित्त वित्तीय संस्थाले तेस्रो त्रैमासको वित्तीय विवरण सार्वजनिक गरेको छ । संस्थाको तेस्रो त्रैमासमा खुद नाफा १२८.३७ प्रतिशतले बढेको छ । गत वर्षको सोहि अवधिमा संस्थाले १ करोड ४८ लाख रुपैयाँ नाफा आर्जन गरेको थियो । यो अवधिमा भने संस्थाले नाफा बढाएर ३ करोड ३८ लाख रुपैयाँ नाफा आर्जन गर्न सफल भएको हो ।
यता खुद नाफा बढ्दा संस्थाको खुद ब्याज आम्दानीमा भने गिरावट आएको छ । गत वर्षको यस अवधिमा संस्थाले ४ करोड ७४ लाख रुपैयाँ खुद ब्याज आम्दानी गरेकोमा यो अवधिमा ३ करोड २२ लाख रुपैयाँ रहेको छ । यस्तै सञ्चालन मुनाफामा गिरावट आएको छ ।
गत आवको तेस्रो त्रैमासमा १ करोड ९८ लाख रुपैयाँ रहेकोमा चालु आवको सोही अवधिमा १ करोड ७४ लाख रुपैयाँमा कायम भएको वित्तिय विवरणमा उल्लेख छ । समताको प्रतिसेयर आम्दानी (बार्षिक) २३ रुपैयाँ ६१ पैसा रहेको छ भने प्रतिसेयर नेटवर्थ १५२ रुपैयाँ ७ पैसा रहेको छ ।
तेस्रो त्रैमासको वित्तीय विवरण सार्वजनिक गर्नेमा पहिलो लघुवित्त बन्यो समता लघुवित्त, खुद नाफा १२८ प्रतिशले ५ले बढ्यो वृद्धि
