- अर्थ सरोकार सम्बाददाता
कैलाली – सेती प्रादेशिक अस्पतालमा उपचारत कैलालीकी ३४ वर्षिया कोरोना संक्रमित महिलाको पाचौं रिपोर्ट पनि कोरोना पोजेटिभ आएको छ ।
अस्पतालका सूचना अधिकारी दिलीपकुमार श्रेष्ठका अनुसार २५ दिनदेखि उपचाररत महिलाको सोमबार पाचौं रिपोर्ट पनि कोरोना संक्रमण पोजेटिभ देखिएको हो । उनीबाटै नेपालमा पहिलो पटक स्थानीयमा संक्रमण पुष्टि भएको थियो ।
उनलाई दुबईबाट आएका आफ़्नै परिवारकै सदस्यबाट कोरोना संक्रमण भएको थियो ।सेती अस्पतालमा उपचारत ५ जनामध्ये ४ जना निको भैसकेका छन् । हाल अस्पतालमा ती ३४ वर्षकी महिला मात्र अस्पतालको आइसोलेसन वार्डमा उपचाररत छिन् । नेपालमा कोरोना संक्रमितको संख्या ५२ पुगेको छ भने १६ जना निको भईसकेका छन् ।
