• अर्थ सरोकार सम्बाददाता

वीरगंज – बारा र पर्सामा तीन जना नयाँ कोरोना संक्रमित भेटिएपछि नेपाली सेनाले गाउँ नै शिल गर्ने तयारी गरेको छ । बुधबार बिहान बारामा २ र पर्सामा १ गरी ३ जना थपिएको नारायणी अस्पताल वीरगंजले जनाएको छ।

राष्ट्रिय जनस्वास्थ्य प्रयोगशाला टेकुमा गरिएको पीसीआर परिक्षणमा बारा, जितपुर सिमरा उपमहानगरपालिकाका ४३ वर्षीय र बाराको दक्षिणी पूर्वी भेगमा पर्ने सिम्रौनगढ नगरपालिकाका ३१ वर्षीय पुरुषमा कोरोना देखिएको हो । साथै पर्साको वीरगंज-२ छपकैयाका ४६ वर्षीय पुरुषमा पनि कोरोना संक्रमण पुष्टि भएको हो।

थप संक्रमित भेटिएलगत्तै बारा-पर्सा प्रशासनले सेनाको सहयोगमा गाउँ सिल गर्ने तयारी गरिरहेको छ।संक्रमितहरुको नगरपालिकाको वडा भने सार्वजनिक गरिएको छैन। तिनै संक्रमितलाई नारायणी अस्पतालको आइसोलेसन वार्डमा ल्याउने तयारी भइरहेको छ।