• अर्थ सरोकार सम्बाददाता 

कैलाली – सुदूरपश्चिम प्रदेश सरकारले लकडाउनको अवधि लम्ब्याउन केन्द्र सरकारलाई सिफारिस गरेको छ । शनिबार कैलालीको एक स्थानीय व्यक्तिमा कोरोना संक्रमण पुष्टि भएपछि सुदूरपश्चिम प्रदेश सरकारले केन्द्र सरकारलाई लकडाउन लम्ब्याउन सिफारिस गरेको हो । प्रदेश सरकारको उच्चस्तरीय समितिले लकडाउनको अवधि लम्ब्याउने निष्कर्ष निकालेको हो । 

कोरोना भाइरसको जोखिमको रोकथाम तथा नियन्त्रण लागि सरकारले चैत ११ गतेदेखि देशभर गरेको लकडाउन चैत २५ गते राति १२ बजेसम्म कायम रहनेछ । तर लकडाउनको अवधिमा पनि संक्रमण थपिएको र लकडाउनको पूर्णपालना नभएको भन्दै लकडाउनलाई थप कडाई गर्ने निर्णय संघीय सरकारले गरिसकेको छ ।