काठमाडौँ – देशभर विभिन्न घटना घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ, जसले देश र जनताको आर्थिक स्थिति प्रतिनिधित्व गर्छ । समसामयिक विषयमा राज्यलाई खबरदारी गर्छ र जनताको जीवन बोल्छ । सातै प्रदेशमा आज के के भयो ? यी दृश्यहरु आफैं बोलिरहेछन् । आजको अंकमा हामीले महालक्ष्मी विकास बैंकको धनगढी शाखाले कोरोनो नियन्त्रण तथा उपचारका लागि सहयोग गरेकोदेखि तनहुँमा प्रभु बैंकले गरेको राहत वितरणसम्मका दृश्यको फोटो समाचार समेटेका छौं ।
हेरौं सातै प्रदेशका फोटो समाचार :
तनहुँको व्यास नगरपालिका–५ का विपन्न तथा असहाय परिवारलाई बिहीबार खाद्यान्न सामग्री वितरण गर्दै वडाध्यक्ष मोहनकुमार श्रेष्ठ तथा प्रभु बैंकका कर्मचारी । बैंकले सो वडाका ३५ घरपरिवारलाई खाद्यान्न सामग्री वितरण गरेको छ ।
महालक्ष्मी विकास बैंक धनगढी शाखाद्वारा सुदूरपश्चिम प्रदेश सरकारले स्थापना गरेको कोरोनो नियन्त्रण तथा उपचार कोषमा रु ४ लाख सहयोग गरेको चेक बुझ्दै मुख्यमन्त्री त्रिलोचन भट्ट ।
कोरोना भाइरस सङ्क्रमणका कारण देशभर लकडाउन भएपनि ललितपुरको गोदावरी नगरपालीका–१३ झरुवारासीस्थित बज्र इँट्टा भट्टामा खच्चडमा इँट्टा बोकेर भट्टातर्फ लाँदै कामदार ।
कोरोना भाइरस ९कोभिड–१९० सङ्क्रमणका कारण लकडाउन भएपनि भगवान माथि आस्थालाई निरन्तरता दिँदै ललितपुरको पुुल्चोकस्थित सडक छेउमा रातो मचिन्द्रनाथको रथको निसान पूजा गर्दै पुजारी ।
विभिन्न संघसंस्थाद्वारा उपलब्ध गराएको रकम तथा खाद्यान्न बुझ्दै कैलालीको टीकापुर नगरपालिकाका प्रमुख तपेन्द्रबहादुर रावल । लकडाउनमा विपन्न समुदायलाई खाद्यान्न सङ्कट भएका कारण नगरपालिकाले आव्हान गरे अनुसार रु सात लाख नगद र सात लाख बराबरको खाद्यान्न सहयोग उठाई विपन्न समुदायलाई वितरण गर्न लागिएको छ ।
‘कोभिड–१९’ को सङ्क्रमण न्यूनीकरणका लागि सरकारले जारी गरेको लकडाउनमा मोटरसाइकल सञ्चालन गरेकाहरुलाई बिहीबार पोखराको जिरोकिमीमा रोकेर परिचय–पत्र तथा पासको जाँच गर्दै ट्राफिक प्रहरी ।
झापाको कमल गाँउपालिका–७ स्थित गेउरियाका किसान ओमनाथ तिम्सिना चैतेधानमा यूरिया मल छर्दै । लकडाउनको कारण मल अभाव भएको किसान बताउँछन् ।
सदरमुकाम मार्तडी बजारमा बिहीबार बन्दाबन्दीको अवज्ञा गर्नेलाई प्रहरीले पक्राउ गरी जिल्ला प्रहरी कार्यालय बाजुराको परिसरमा दुरी कायम गरी राखिएका सर्वसाधारण ।
डोटीको दिपायल सिलगढी नगरपालिका–४ राजपुरका स्थानीय अशोक सोव बिक्रीका लागि सिमेन्टको ब्लक बनाउँदै । यहाँका गाउँघरमा पछिल्लो समय इँट्टा, ढुङ्गाभन्दा सिमेन्टको ब्लक सस्तो पर्ने भएकाले ब्लकको माग बढेको छ ।
बाँकेको नेपाल–भारत सीमा क्षेत्र दशगजास्थित क्वारेन्टाइनमा राखिएका १८१ जनाको ¥यापिड डाइग्नोस्टिक टेस्ट (आरडिटी) परीक्षणपछि घर फर्किएपछि अपनाउनुपर्ने सावधानीका विषयमा सुझाव दिइँदै चिकित्सक ।
पोखरा महानगरपालिका– ३३ स्थित बागमाराको पानी ट्याङ्कीमा आवागमन रोक्दै युवा । सरकारले लकडाउन गरे पनि सर्वसाधारणमा लापरबाही गर्ने क्रम भने नरोकिएको भन्दै अत्यावश्यक सेवा बाहेकका सवारीसाधनलाई आवागमनमा रोक लगाइएको हो ।
तनहुँको व्यास नगरपालिकाका उपप्रमुख मीरा जोशी नगरक्षेत्र भित्र सञ्चालनमा रहेका एम्बुलेन्स चालकलाई बिहीबार व्यक्तिगत सुरक्षा कवज (पिपिई) सहितको स्वास्थ्य सामग्री प्रदान गर्दै । नगरपालिकाले पाँच वटा एम्बुलेन्सलाई पिपिई, स्यानिटाइजर, पञ्जा, बुटलगायत वितरण गरेको छ ।
व्यक्तिगत सुरक्षा उपकरण ९पिपिई० लगाउने तथा फुकाल्ने विधिबारे स्वास्थ्यकर्मी र एम्बुलेन्स चालकलाई जानकारी गराउँदै राजविराजस्थित नेपाली सेनाका चिकित्सक विवेककुमार रोशन । जिल्ला स्वास्थ्य कार्यालय सप्तरीको समन्वयमा भिम दल गणले जिल्लाभरिका स्थानीय तहका स्वास्थ्य संयोजक तथा स्वास्थ्यकर्मीलाई राजविराजस्थित रंगशालामा पिपिई बारे जानकारी दिएको हो ।
वसन्त ऋतु शुरु भएसँगै ललितपुरको गोदावरी पार्कमा फुलेको लालीगुराँस फूल ।
वसन्त ऋतु शुरु भएसँगै ललितपुरको गोदावरी पार्कमा फुलेको पुतली फूल ।
कञ्चनपुरको शुक्लाफाँटा राष्ट्रिय निकुञ्जको चौधर खोलामा देखिएको जङ्गली हात्ती ।
काठमाडौँको पशुपति क्षेत्रमा साधुसन्त बस्ने कुटियामा साँढे । लकडाउनका कारण भक्तजनले दिने आहारा नपाएपछि आहाराको खोजीमा साँढे कुटियामा पुगेको हो ।
ललितपुरको गोदावरी पार्कमा फूल गोडमेल गर्दै माली ।
लकडाउन अवधिमा सुनसान देखिएको पोखराको वेगनास ताल ।
