• अर्थ सरोकार सम्बाददाता 

काठमाडौँ – बेलायतमा कोरोना भाइरसका कारण १ नेपालीको मृत्यु भएको छ । झापा घरभई अहिले बेलायतको रेडिङमा बस्दै आएका हंसराज लिङ्देनको बुधबार रोयल बर्कसायर अस्पतालमा कोरोना संक्रमणका कारण निधन भएको हो ।

उनी तीन साताअघि अस्पताल भर्ना भएका थिए । दुई पटक परीक्षण गर्दा पनि उनमा कोरोना पोजिटिभ देखिएको थिएन तर तेस्रोपटक चेक जाँच गर्दा कोरोना पोजेटिभ पुष्टी भएको उनका नातेदार विजयविक्रम लिङ्देनले जानकारी दिए । उनलाई तीन दिन अघि मात्र कोरोना पोजिटिभ पुष्टी भएको थियो । लिङ्देन सुगर र प्रेसरका विरामी थिए । उनलाई श्वास फेर्न गाह्रो भएपछि अस्पताल लगिएको थियो ।