- अर्थ सरोकार सम्बाददाता
काठमाडौँ । इन्टरनेट सेवा प्रदायक कम्पनी भायानेटका लाखौँ युजरहरुको डाटा ह्याक भएको स्वीकारेको छ । साइबर आक्रमणबाट भायानेटका करिब १ लाख ५० हजार भन्दा बढी प्रयोगकर्ताका व्यक्तिगत विवरण बाहिरिएको खबर पहिलोपटक अर्थ सरोकारले ब्रेक गरेपछि यो घटना बाहिरिएको थियो । एक ह्याकरले भायनेटका सम्पूर्ण डाटाहरु ह्याक गरिदिएका हुन् । जसमा जसमा प्रयोगकर्ताका नाम, ठेगाना, इमेल एड्रेस तथा फोन नम्बरहरु रहेका छन् । जसले गर्दा ग्राहकका विवरणहरु बाहिरिएका छन् । एक विज्ञप्ति जारी गर्दै कम्पनीले आफ्ना प्रयोगकर्ताहरुका डाटा ह्याक भएको स्वीकारेको छ ।
लिक भएका डेटा डार्क वेबमा राखिएको छ । बाहिरिएका डेटाहरु ओनियन लिंकमा छन् । जुन डेटा हेर्न ‘टोर’ ब्राउजरको प्रयोग गर्नुपर्ने हुन्छ । केही हप्ता अगाडी मात्रै खाना तथा खाजा अनलाइन डेलिभरी गर्ने कम्पनी फुडमाण्डुमा पनि साइबर हमला भएको थियो । कम्पनीले प्रहरीमा उजुरी गरेर सो डाटा सम्बन्धित ठाउँबाट हटाउनसमेत आग्रह गरेको छ । सबै प्रयोगकर्ताहरुसँग माफी माग्दै भायानेटले निकालेको विज्ञप्ति यस्तो छ :
