काठमाडौँ । इन्टरनेट सर्भिस प्रोभाईडर भायनेटका युजरहरुसँग सम्बन्धित एक लाख बढी विवरणहरु ह्याक आशंका गरिएको छ । केहि समय अघि ‘अननवन नम्बर’ भन्दै फोन आएकोसमेत प्रयोगकर्ताहरुले बताईरहेका छन् भने ट्वीटरका केहि प्रयोग कर्ताहरुले आफुसँग विवरणको फाइल नै रहेकोसमेत दावी गरेका छन् ।

अहिले सामाजिक संजालमा यो विषय निकै तातेको छ । केहि समय अगाडी मर्कन्टाइल कम्युनिकेसनका डाटाहरु पनि ह्याक भएका थिए । अहिले त्यसै गरी भायनेटका युजरहरुको नाम, इमेल आइडी, फोन नम्बर र तीनले प्रयोग गर्ने पासवर्डसमेत ह्याक भएको चर्चा गरिएको छ । 

कम्पनी भन्छ, ‘बुझ्दैछौँ’

यता यस विषयमा बुझ्न हामीले कम्पनीका मिडिया हेर्ने व्यक्तिरविन पाण्डेसँग कुराकानी गरेका थियौँ । उनले यस विषयमा आफुलाई केहि पनि थाहा नभएको र बुझेर खबर गर्ने बताएका छन् । ‘मलाई यस विषयमा थाहा छैन । म बुझ्दैछु । बुझेर खबर गर्छु ।’ उनले भने । हामीले आइटी हेडको सम्पर्क शुत्र माग्दा उनले दिन आनाकानी गरे । यसले पनि कतै न कतै केहि बिग्रेको छ भन्ने शंका गर्ने ठाउँ दिएको छ । 

यस विषयमा थप विवरण लिने प्रयास गर्दैछौँ ।