">
- अर्थ सरोकार सम्बाददाता
काठामाडौं । सरकारले जारी गरेको लकडाउनका कारण २ कम्पनीको साधारण सेयर (आईपीओ) निष्कासन रोकिएको छ । विश्वव्यापी रुपमा फैलिएको कोरोना भाइरसका कारण नेपालमा पनि चैत ११ गतेदेखि लकडाउन भएकाले लिबर्टी इनर्जी कम्पनी र युनाइटेड आईडीआई मार्दी एण्ड आरबी हाइड्रोपावरको आईपीओ निष्कासन रोकिएको हो ।
लिबर्टीले गत फागुन २६ गते देखि १५ लाख कित्ता आईपीओ निष्कासन गरेको थियो । त्यस्तै युनाइटेड आईडीआईले चैत १० गतेबाट ४ लाख २० हजार आईपीओ निष्कासन गर्ने मिति तय गरेको थियो ।
तर, लिबर्टीले छिटोमा चैत ११ गते ढिलोमा चैत २६ गते आईपीओ निष्कासन बन्द गर्ने मिति तय गरेको भए पनि लकडाउन लम्बिँदै गएपछि ढिलाइ भएको छ । विक्री प्रबन्धकको काम एनआईबीएल एस क्यापिटल लिमिटेड रहेको छ । कम्पनीले निष्कासन गरेको आईपीओलाई इक्रा नेपालले ग्रेड ४ रेटिङ प्रदान गरेको छ ।
त्यसैगरी, युनाइटेड आईडीआई मार्दी एण्ड आरबी हाइड्रोपावर कम्पनीले ४ लाख २० हजार कित्ता आईपीओ स्थानियको लागि चैत १० गतेदेखि निष्कासन गर्ने तयारी रहेको थियोे । आईपीओ निष्कासन बन्द मिति छिटोमा २०७६ चैत २४ र ढिलोमा २०७७ वैशाख ९ गतेसम्म तय गरेको थियो । विक्री प्रबन्धक ग्लोबल आइएमई क्यापिटल लिमिटेड रहेको छ । यस कम्पनीले निष्कासन गर्ने आईपीओलाई इक्रा रेटिङ ग्रेड ४ रेटिङ प्रदान गरेको छ ।
