• अर्थ सरोकार सम्बाददाता 

काठमाडौँ । कोरोना भाइरसको विपत्तिसँग जुध्न एशियाली विकास बैंक (एडीबी) ले नेपाललाई २५ करोड डलर (करीब ३० अर्ब) सहुलियत ऋण दिने भएको छ । बैंकले मंगलबार नेपाललाई दिने सहुलियत ऋणका विषयमा टुङ्गो लगाएको हो ।

नेपाल सरकारले यो ऋण रकमले देशको सार्वजनिक स्वास्थ्य क्षेत्रको सुधार, कोरोनाभाइरसले निम्त्याएको आर्थिक र सामाजिक जोखिमसँग जुध्न खर्च गर्ने एडीबीले जनाएको छ। त्यस्तै, विपन्न र जोखिममा परेका सर्वसाधारणलाई पनि यो सहयोग रकमले सम्बोधन गर्नेछ । दैनिक ३ हजार कोरोनाभाइरसको परीक्षण गर्न सात वटै प्रदेशमा २ लाख जनालाई क्वारेन्टिनमा राख्न सक्ने क्षमता विस्तार गर्न यो ऋण सहयोग गरेको एडीबीले जनाएको छ।

एडीबीले कोरोनाभाइरसले सदस्य देशका अर्थतन्त्रहरुमा पारेको समस्यासँग जुध्न २० अर्ब डलरको कोष बनाएको छ।