• अर्थ सरोकार सम्बाददाता 

काठमाडौं – अमेरिकामा दिनानुदिन ज्यान जानेको संख्या बढ्दै गइरहेको छ । जोन्स हप्किन्स विश्वविद्यालयका अनुसार अमेरिकामा कोरोना संक्रमणका कारण मृत्यु हुनेको संख्या ६८ हजार ९ सय २० पुगेको छ ।

विश्वविद्यालयको तथ्यांकअनुसार अमेरिकामा ११ लाख ७८ हजार ९ सय ६ जनामा कोरोना संक्रमण पुष्टि भएको छ । अमेरिकाको न्यूयोर्क सहरमा सबैभन्दा बढीको ज्यान गएको छ । अहिलेसम्म त्यस सहरमा १९ हजार ५७ जनाले ज्यान गुमाएका छन्।  

यसैबीच अमेरिकाले कोरोना भाइरस संक्रमणको महामारीसँग जुध्न आर्थिक वर्षको दोस्रो त्रैमासमा तीन खर्ब डलर ऋण लिने भएको छ । ऋण लिनका लागि सरकारले स्वीकृति दिइसकेको छ । यो ऋण रकमलाई स्वास्थ्य सेवा र राहत प्याकेजमा उपयोग गरिने छ ।