×

Live on

रेडियो अर्थ सरोकार

Listen to live radio.

कोरोना प्रभाव : अमेरिकामा ३ करोड ३३ लाख मानिसले जागिर गुमाए

GLOBAL IME BANK
KAMANA SEWA BIKAS BANK

कोरोना प्रभाव : अमेरिकामा ३ करोड ३३ लाख मानिसले जागिर गुमाए

२६ बैशाख २०७७, शुक्रबार

पढ्न लाग्ने समय: १ मिनेटभन्दा कम

काठमाण्डौ । कोरोना भाइरसबाट अतिप्रभावित अमेरिकामा बेरोजगारको अवस्था भयवाह देखिएको छ । कोरोना संकटकै कारण आर्थिक गतिविधि ठप्पप्रायः अमेरिकामा ३ करोड ३३ लाख मानिसले जागिर गुमाइकेका छन् । कोरोनाका कारण अमेरिका अधिकांश राज्य लकडाउनमा छन् । जसका कारण व्यापारव्यवसाय, उद्योगधन्दा, शिक्षणसंस्था, यातायात सञ्चालनमा प्रतिबन्ध लगाइएका छन् ।
यसैगरी अमेरिकामा रहेका अधिकांश बहुराष्ट्रिय कम्पनीहरु पनि बन्द छन् । यसरी कोरोनाबाट उद्योगव्यवसाय ठप्प हुँदा त्यहाँ कार्यरत करोडौँ मानिसको रोजगारी संकटमा परेका छन् । केही कम्पनीले आफ्नो कर्मचारीलाई घरबाटै काम गर्न अनुमति दिए पनि रोजगारीमा परेको संकट गहिरिँदै गएको छ। रोजगार गुमाउनेको संख्या अझै बढ्न सक्ने अधिकारीहरु बताउँछन् । 
त्यसो त गत सातामात्रै अमेरिकामा करिब ३२ लाख अमेरिकीहरुले बेरोजगारी भत्ताका लागि आवेदन दिएका छन् । कोरोनाभाइरसबाट विश्वभर ३८ लाख बढी मानिस संक्रमित भएकोमा २ लाख ६७ हजारभन्दा बढीले ज्यान गुमाइसकेका छन्। अमेरिकामा मात्रै कोरोना संक्रमणबाट ७५ हजार ५०० को हाराहारीमा ज्यान गइसकेको छ। – एजेन्सी
CITIZEN LIFE INSURANCE
Hamro Parto AD

प्रतिक्रिया दिनुहोस्

सिफारिस: