काठमाडौं । विश्वकै शक्ति सम्पन्न राष्ट्र अमेरिका कोरोना भाइरसको महामारी शव अन्त्यष्टी गर्नै नसक्ने अवस्थामा पुगेको छ । न्यूयोर्कस्थित इसाबेला बृद्धाश्रम नर्सिङहोममा रहेको ९८ जनाको मृत्यु भएपछि उनीहरुको शव अन्त्यष्टि समेत नगरी राखिएको हो ।
सो घट्नापछि न्यूयोर्कका मेयर बील डे ब्लासियोले भनेका छन्, ‘यो हृदयविधारक, असम्भव र अकल्पनीय घट्नाबाट म स्तब्ध बनेको छु ।’ सो मध्ये गत शुक्रबार एकै दिन १३ जनाको मृत्यु भएको जनाएको छ । कूल ७०५ वटा बेड क्षमताको सो नर्सिङहोममा मृत्यु भएका मध्ये ५२ जनाको कोरोना भाइरसकै कारण मृत्यु भएको पुष्टि भइसकेको छ भने ४६ जनाको थप परिक्षण जारी छ । अमेरिकाले सो घटनालाई इतिहासकै दुर्लभ घट्ना भनेको छ ।
शवहरु अन्त्यष्टी गर्दा समेत कोरोना फैलिने डरले चिसो फ्रिज भएको गाडीमा राख्ने तयारी भइरहेको सो नर्सिङहोमले जनाएको छ । हाल ति शवहरुको अन्त्यष्टी गर्न समेत सक्ने अवस्था नरहेको जनाइएको छ । सो अस्पतालका चिकित्सकहरुले पर्याप्त मात्रामा कोरोना भाइरसबाट सुरक्षित रहन पिपिई समेत नपाएको फक्स न्यूजले जनाएको छ ।
आइतबार विहानसम्मका विवरण अनुसार अमेरिकामा कुल ६७ हजार ७४४ जनाको मृत्यु भएको छ भने पछिल्लो २४ घण्टामा मात्रै दुई हजार भन्दाबढिको मृत्यु भएको छ । अमेरिकाको सबैभन्दा बढि संक्रमित न्यूयोर्कमा रहेको छ । एजेन्सी
