">
- अर्थ सरोकार सम्बाददाता
काठमाडौं – बंगलादेशमा कोरोना संक्रमणका कारण एकै दिन १३ जनाको मृत्यु भएको छ । यो समेत गरेर बंगलादेशमा कोरोना संक्रमणबाट ज्यान जानेको संख्या १९९ पुगेको छ ।
साथै, ७०६ जनामा नयाँ संक्रमित फेला परेको छ भने योसमेत गरेर संक्रमित हुनेको संख्या १२ हजार ४२५ पुगेको छ । बंगलादेशमा कोरोना संक्रमितमध्ये १ हजार ९१० जना उपचारपछि निको भएका छन् । १० हजार ३१६ जनाको विभिन्न अस्पतालमा उपचार भइरहेको छ । उनीहरुमध्ये १ जनाको अवस्था गम्भीर रहेको जनाइएको छ ।
यसैबीच बंगलादेशमा रहेका नेपाली विद्यार्थीहरुले आफूहरुको तत्काल उद्दार गर्न नेपाल सरकारसँग माग गरेका छन् । कोरोनाको जोखम बढ्दै गएपछि आफूहरु असुरक्षित रहेको भन्दै उनीहरुले स्वदेश फर्काउन माग गरेका छन् । उनीहरुले सरकारले आफूहरुको उद्दारमा तदारुकता नदेखाएको भन्दै विहीबार विज्ञप्ति जारी गर्दै आजबाट रिले अनसन बस्ने चेतावनी दिएका छन् ।
