• अर्थ सरोकार सम्बाददाता

नेपालगञ्ज । लक्ष्मी बैंकका एक स्टाफका आफन्तमा कोरोना संक्रमण भएको केहि दिनपछि अर्का एक बैंकमा कार्यरत कर्मचारीका आफन्त पनि कोरोना संक्रमित भएको पुष्टी भएको छ ।  बाँकेमा थप ४७ जनामा कोरोना भाइरस (कोभिड-१९) को संक्रमण पुष्टि भएसँगै यस्तो तथ्य बाह्रिया आएको हो । भेरी अस्पतालस्थित प्रयोगशालामा १९० जनाको परीक्षण गर्दा ४७ जनाको रिपोर्ट पोजेटिभ आएको थियो । 

सो मध्ये एक संक्रमित बैंकरका आफन्त रहेको बुझिएको छ । थप अनुसन्धान जारी छ भने ती बैंकरलाई आइसोलेसनमा पठाईसकिएको छ । यसअघि एनआइसी एशिया बैंकमा कोरोना संक्रमित पुगेको तथ्य पुष्टी भएपछि एनआइसी एशियाका एक कर्मचारीलाई आइसोलेसनमा लगिएको थियो । 

अत्यावश्यक सेवाका नाममा बैंकहरु खुल्दा बैंकमा जोखिम बढेको छ । अहिले बाँकेका सबैजसो बैंक तथा वित्तीय संस्थाहरु बन्द गरिएका छन् ।   

योसँगै आजका टप १० भिडियो रिपोर्टहरु हेर्नुहोस् अर्थ सरोकार टप १० समाचारमा