">
- अर्थ सरोकार सम्बाददाता
काठमाडौँ – आइतबारदेखि बैंक तथा वित्तीय संस्थाका शाखाहरु एक तिहाइ कर्मचारीले मात्र खुल्ला गर्न पाउने भएका छन् । सरकारले ४४ किसिमका उद्योगहरुलाई संचालन अनुमति दिएसंगै बैंक तथा वित्तीय संस्थाका शाखाहरु खोल्न पनि अनुमति दिएको थियो ।
सोही अनुसार बैंक तथा वित्तीय संस्थाका सम्पूर्ण शाखाहरु खुल्ने भएका हुन् । तर एक तिहाइ कर्मचारीलाई मात्र कार्यालय बोलाएर सेवा संचालन गर्नुपर्नेछ । नियामक नेपाल राष्ट्र बैंकले पनि एक सूचनामा जारी गर्दै एक तिहाइ कर्मचारीलाई मात्र कार्यालय बोलाएर सेवा संचालन गर्नुपर्ने निर्देशन दिएको छ ।
‘बैंक तथा वित्तीय संस्थामा रहेका सवारी साधनमा २५ प्रतिशतले सवारी साधनले मात्र पास पाउने छन्, यसको लागि बैंकको प्रधान कार्यालयले सवारी नम्बर,सवारी उपभोग गर्नेको नाम तथा समय र स्थानको जानकारी दिनुपर्ने छ,’राष्ट्र बैंकको सूचनामा भनिएको छ । देश लकडाउनमा गएयता बैंक तथा वित्तीय संस्थाहरुले अनुकुलता अनुसार शाखा खोली सेवा दिँदै आइरहेका थिए ।
