- अर्थ सरोकार सम्बाददाता
काठमाडौँ – २७ वाणिज्य बैंकहरुले ९ महिनामा ४५ अर्ब नाफा कमाएका छन् । सार्वजनिक गरेको आर्थिक वर्ष २०७६/७७ को तेस्रो त्रैमाससम्मको वित्तीय विवरण अनुसार बैंकहरुले ४५ अर्ब २३ करोड ५९ लाख रुपैंया खुद नाफा कमाएका हुन् ।
यो रकम अघिल्लो वर्षको सोही अवधिको तुलनामा करिब ४.११ प्रतिशत बढी हो । अघिल्लो वर्षको सोही अवधिमा बैंकहरुले ४३ अर्ब ४४ करोड ९० लाख रुपैंया नाफा कमाएको थियो ।
यो तेश्रो त्रैमाससम्म २७ वाणिज्य बैंकहरुमध्ये सबै भन्दा बढी नाफा नबिल बैंकले कमाएको छ । नबिल बैंकले ३ अर्ब १५ करोड रुपैंया नाफा कमाएको छ । त्यसपछि ग्लोबल आईएमई बैंक र एनआईशी एशिया बैंक रहेका छन् । ग्लोबल आईएमई बैंकले २ अर्ब ७० करोड नाफा कमाएको छ भने एनआईशी एशिया बैंकले २ अर्ब ५० करोड रुपैंया कमाएर तेस्रो स्थान हासिल गरेको छ।
त्यस्तै गरी सनराइज बैंक, सेञ्चुरी कमर्शियल बैंक, बैंक अफ काठमाण्डू र सिभिल बैंकको नाफा १ अर्बभन्दा कम रहेको छ ।
