• अर्थ सरोकार सम्बाददाता 

बर्दिया । बर्दिया जिल्ला अस्पताल सिल गरिएको छ । ज्वरो आएर अस्पताल भर्ना गरिएका एक युवाको स्वाब परिक्षण रिपोर्ट पोजेटिभ आएपछि जिल्ला अस्पताल सिल गरिएको हो । स्वास्थ्य कार्यालय बर्दियाका जनस्वास्थ्य निरिक्षक कृष्णगोपाल चौधरीका अनुसार उक्त अस्पतालका कार्यरत १४ जना स्वास्थ्यकर्मीहरुलाई पनि क्वारेन्टाइनमा राखिएको छ । अस्पतालको आकस्मिक कक्षवाहेक सबै सेवा बन्द गरिएको छ ।

गुलरिया नगरपालिका-१ मा रहेको क्वारेन्टाइनमा बस्दै आएका युवालाई अचानक ज्वरो आएपछि जिल्ला अस्पताल भर्ना गरिएको थियो । उनको स्वाब परिक्षण गर्दा सोमबार कोरोना पुष्टी भएको थियो । यस्तै स्वास्थ्यकर्मी क्वारेन्टाइनमा गएपछि अस्पतालको सेवा प्रभावित भएको छ । स्वास्थ्यकर्मीहरुको तत्काल स्वाब परिक्षणका लागि पठाइने भएको छ । उनीहरुको रिर्पोट नगेटिभ आएपछि मात्र अस्पतालको सेवा सुचारु हुने बताइएको छ ।