- अर्थ सरोकार सम्बाददाता
चितवन । श्वासप्रश्वासमा अत्याधिक समस्या देखिएका एक व्यक्तिको आइतबार चितवनको भरतपुर अस्पतालमा मृत्यु भएको छ । अस्पतालको आईसीयूमा २ दिनदेखि उपचाररत नवलपरासीको रामग्राम नगरपालिका–५ का ४८ वर्षीय पुरुषको मृत्यु भएको हो । अवस्था गम्भीर बन्दै गएपछि उनलाई रुपन्देहीको बुटवलस्थित लुम्बिनी अञ्चल अस्पतालबाट रिफर गरी भरतपुर अस्पताल ल्याइएको थियो ।
भरतपुर अस्पतालका अनुसार बिरामीलाई श्वासश्वासको अत्याधिक समस्या थियो। उनलाई छाती दुःख्ने र वान्ता हुने पनि हुन्थ्यो । भरतपुर अस्पतालले मृतकको स्वाब परीक्षणको तयारी गरेको छ। उता लुम्बिनी अञ्चल अस्पतालले पनि उनको स्वाब संकलन गरिसकेको थियो । स्वाबको नतिजा भने आउन बाँकी रहेको अस्पताल स्रोत बताउँछ ।
