">
- अर्थ सरोकार सम्बाददाता
विराटनगर । विराटनगरमा १ करोड ९ लाख ६९ हजार भारतीय रुपैयाँसहित दुई जना पक्राउ परेका छन् ।विराटनगरको एकीकृत भन्सार जाँच चौकीमा भारतबाट नेपाल प्रवेश गरेको भारतीय ट्रकमा सशस्त्र प्रहरीको सीमा सुरक्षा बलले उक्त रकम बरामद गरेको हो ।
सशस्त्र प्रहरी बलका एसपी नेत्रबहादुर कार्कीका अनुसार रकमसँगै ट्रकका चालक र सहचालक पक्राउ परेका छन् । रित्तो ट्रकको पछाडि बोरामा बेरेर कार्टुनमा हाली रकम ल्याएको सशस्त्र प्रहरीले जनाएको छ । रकम कसले के प्रयोजनका लागि ल्याएको हो भन्ने खुलेको छैन । घटनाबारे थप विवरण आउन बाँकी छ ।
