• अर्थ सरोकार सम्बाददाता 

विराटनगर । विराटनगर महानगरपालिकाको दुईवटा वडा सिल गरिएको छ । कोरोना संक्रमित भेटिएपछि विराटनगर महानगरपालिकाको वडा नं ६ र १५  सिल गरिएको हो ।

विराटनगर महानगरपालिकाका मेयर भीम पराजुलीका अनुसार अब उक्त वडामा हिँडडुल गर्न पाइने छैन ।आइतबार विराटनगरमा २ जनालाई कोरोना संक्रमण देखिएको थियो । विराटनगरमा संक्रमण पुष्टि भएका पुरुष महानगरपालिकाका सफाइ कर्मचारी हुन् । महिला पाँच दिनअघि भारतबाट आएकी हुन् ।

संक्रमणको जोखिम बढेपछि अर्को सूचना जारी नभएसम्म अतिआवश्यकबाहेक अन्य सेवा बन्द गरिएको जिल्ला प्रहरी कार्यालय मोरङका प्रहरी उपरीक्षक विश्व अधिकारीले बताए ।