• अर्थ सरोकार सम्बाददाता 

वीरगञ्ज । आज थपिएका १७ जना कोरोना संक्रमित एकै परिवारका सदस्य रहेको पाइएको छ । वीरगञ्ज महानगरपालिका–३ छपकैया निवासी उनीहरुलाई कोरोना ‘पोजेटिभ’ देखिएको बुधबार स्वास्थ्य तथा जनसंख्या मन्त्रालयले पुष्टि गरेको थियो । सोही परिवारका एक सदस्यलाई भने आइतबार नै कोरोना संक्रमण भएको पुष्टि भएको थियो । ३६ वर्षीय उनलाई कोरोना पुष्टि भइसकेपछि परिवारका अन्य सदस्य र सम्पर्कमा आएकाहरुको परीक्षण थलिएको थियो । 

सोहि क्रममा उनका परिवारका सबै सदस्यको रिपोर्ट ‘पोगेटिभ’ आएको छ । संक्रमित हुनेमा २ महिने शिशुदेखि ८६ वर्षका बृद्धसमेत रहेका छन् । उनीहरुलाई नारायणी अस्पताल ल्याइने अस्पतालका मेसु डा. मदन उपाध्यायले जानकारी दिए । आज १७ जनामा कोरोना संक्रमण पुष्टि भएसंगै नेपालमा संक्रमितको संख्या ९९ पुगेको स्वास्थ्य तथा जनसंख्या मन्त्रालयले जनाएको छ।