काठमाडौँ – अमेरिकाका कोरोनाभाइरस टास्क फोर्सका दुई ठूला अधिकारीले आफूलाई क्वारेन्टाइनमा राख्ने निर्णय गरेका छन् । कोरोना भाइरसद्वारा संक्रमित व्यक्तिको सम्पर्कमा आएका कारण आफूलाई क्वारेन्टाइनमा राख्ने निर्णय गरेका हुन्।
यसमा सेन्टर फर डिजिज कन्ट्रोल एण्ड प्रिभेन्सनका निर्देशक डाक्टर रोबर्ट रेडफिल्ड र फूड एण्ड ड्रग एडमिनिस्ट्रेशन विभागका कमिश्नर स्टिफन हेन छन् ।
संक्रामक रोगको रोकथामका लागि जिम्मेवार अधिकारी एन्थोनी फाउचीले पनि सावधानीको रुपमा आफू केही दिन घरबाटै काम गर्ने बताएका छन् ।
पछिल्लो दुई हप्तामा ह्वाइट हाउसका दुई अधिकारी कोरोनाभाइरसद्वारा संक्रमित पाइएका छन् । – एजेन्सी
