![](https://1.bp.blogspot.com/-A1rScfMnkbQ/XplEeyktHJI/AAAAAAABdlA/E7DUO7KO0v0RgzNbfuqrIiGgn_skpKwSQCLcBGAsYHQ/s1600/2.jpg)
- अर्थ सरोकार सम्बाददाता
कपिलवस्तुमा थप १० जनामा कोरोना भाइरस संक्रमण पुष्टि भएको छ । यससँगै नेपालमा कोरोना संक्रमित व्यक्तिहरुको संख्या १२० पुगेको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार नयाँ संक्रमितहरु कपिलवस्तुको यशोधरा गाउँपालिका वडा नं. ५ तथा बुद्धभुमि नगरपालिका वडा नं. ७ र १० का हुन् । उनीहरू १८ देखि ३४ वर्ष उमेर समूहका पुरुषहरु हुन् । एक जना पुरुषको भने उमेर खुलेको छैन ।
स्वास्थ्य मन्त्रालयका सहप्रवक्ता समिर कुमार अधिकारीका अनुसार हालसम्म प्राप्त विवरण अनुसार उनीहरुको स्वास्थ्य सामान्य छ र सबै स्वास्थ्यकर्मीहरुको सम्पर्कमा छन् ।
![](https://1.bp.blogspot.com/-SiC9XfOdMpw/XrjOlXHqqVI/AAAAAAABf5M/OPuHHD0-iMIdQfGWn3RDbLdj4K-9Eg_MQCLcBGAsYHQ/s1600/96584984_678681679576848_3873971466319953920_n.jpg)