• अर्थ सरोकार सम्बाददाता 

बुटवल । नेपालमा थप १० जना कोरोना संक्रमित व्यक्ति निको भएका छन् । बुटबलको कोरोना विशेष अस्थायी अस्पतालबाट १० जना निको भएर घर फर्किएका हुन् । दुई हप्ताअघि अस्पताल भर्ना भएका उनीहरुको पछिल्लो २४ घण्टामा दुई पटक गरिएको पीसीआर परीक्षणको रिपोर्ट लगातार नेगेटिभ आएपछि अस्पतालले डिस्चार्ज गरेको हो ।

उनीहरू सबै कपिलवस्तुका हुन् । यसअघि रुपन्देही कोटहीमाईका २४ वर्षया युवक पनि कोरोनालाई जितेर घर फर्केका थिए । शुक्रबार मात्रै बाँकेको खजुराको शुशिल कोइराला क्यान्सर अस्पतालबाट नेपालगन्जका २१ जना कोरोना संक्रमित निको भएर घर फर्केका थिए ।