">
- अर्थ सरोकार सम्बाददाता
काठमाडौँ – छिमेक लघुवित्त वित्तीय संस्थाले आर्थिक वर्ष २०७६/७७को तेश्रो त्रैमासको वित्तीय विवरण सार्वजनिक गरेको छ । सार्वजनिक गरेको विवरण अनुसार संस्थाले ५९ करोड ७८ लाख रुपैयाँ खुद नाफा कमाएको छ। यो नाफा गत वर्षको सोहि अवधिको तुलनामा ७.०२% कम हो। गत वर्षको सोहि अवधिमा संस्थाले ६४ करोड ३० लाख रुपैयाँ खुद नाफा कमाएको थियो ।
कम्पनीको खुद ब्याज आम्दानी सामान्य बढेपनि सञ्चालन नाफा घटेको छ । यो चैत मसान्तसम्ममा कम्पनीले खुद ब्याज आम्दानी २.४५%ले बढेर १ अर्ब २६ करोड रुपैयाँ पुर्याएको छ । गत वर्षको यस अवधिमा संस्थाले १ अर्ब २३ करोड खुद ब्याज आम्दानी गरेको थियो । सञ्चालन नाफा भने गत वर्षको तुलनामा १५.१० प्रतिशत घटेर २ करोड ६० लाख रुपैयाँमा खुम्चिएको छ।
यो तेश्रो त्रैमाससम्ममा बैंकले १८ अर्ब ७ करोड रुपैयाँ निक्षेप संकलन गरी २० अर्ब ३७ अर्ब रुपैयाँ कर्जा प्रवाह गरेको छ । १ अर्ब ५० करोड रुपैयाँ चुक्ता पूँजी रहेको लघुवित्तको जगेडा कोष गत वर्षको तुलनामा ९ प्रतिशत घटेर १ अर्ब ६४ करोड रुपैयाँमा झरेको छ।
यता, खराब कर्जा अनुपात ०.४१% पुगेको छ। लघुवित्तको प्रतिशेयर आम्दानी ५३ रुपैयाँ १५ पैसा प्रतिशेयर नेटवर्थ २०९ रुपैयाँ ५४ पैसा र मूल्य आम्दानी अनुपात १७.९७ गुणा रहेको छ।
