• अर्थ सरोकार सम्बाददाता 

काठमाडौं – आज (शुक्रबार) बाट विभिन्न बैंक तथा वित्तीय संस्थाहरूका सम्पूर्ण शाखा सञ्चालन हुने भएका छन् । बुधबार बालुवाटारमा बसेको मन्त्रिपरिषद्को बैठकले बैंक तथा वित्तीय संस्थाहरु बिमा, धितोपत्र, सरकारी संस्थाहरू अतिआवश्यक पर्ने कर्मचारीमध्ये एकतिहाई कर्मचारीबाट आलोपालो गरी सेवा सञ्चालन गर्ने निर्णय गरेकाे हो ।

साेही निर्णयलाई पालना गर्दै शुक्रबार(आज)बाट विभिन्न बैंक तथा वित्तीय संस्थाहरूले सम्पूर्ण शाखा खाेल्ने भएका हुन् । तर, बैंकहरुकाे कार्यालयमा एकतिहाई कर्मचारीले मात्र काम गर्नेछन् । यसैगरी, सरकारले गरेको निर्णय अनुसार कोरोना संक्रमण बढेमा स्थानीय सरकारले शाखा खोल्ने अनुमति बन्द गर्नसक्ने छ ।