काठमाडौं । नेपालमा थप २७ जनामा कोरोना भाइरसको संक्रमण देखिएको छ । स्वास्थ्य तथा जनसंख्या मन्त्रालयले नियमित पत्रकार सम्मेलनमार्फत विभिन्न जिल्लामा गरी २७ कोरोना संक्रमित थपिएको जानकारी दिएको हो।

यो सहित नेपालमा संक्रमितको संख्या ४०२ पुगेको छ । मन्त्रालयका प्रवक्ता डा. विकास देवकोटाका अनुसार संक्रमण देखिएकाहरु स्वास्थ्यकर्मीको सम्पर्कमा रहेका छन् । उनीहरु २७ देखि ४२ वर्षका रहेको डा. देवकोटाले जानकारी दिए । ती मध्ये २४ जना पुरुष र ३ जना महिला हुन्।