• अर्थ सरोकार सम्बाददाता 

काठमाडौं । बीमा समितिले हालसम्म ६४ हजार बढीले कोरोना बीमा गरेको जनाएको छ । समितिले ६४ हजार   ८९ जनाले कोरोना बीमा गरेको जनाएको हो । 

समितिका अनुसार कोरोना बीमाबाट बीमा कम्पनीहरुले ३ करोड ५४ लाख ३० हजार ६२० रुपैयाँ प्रिमियम संकलन गरेका छन् । यस्तै  २० वटा निर्जीवन बीमा कम्पनीले ४ हजार ९२६ वटा पोलिसी बिक्री गर्दा ३ करोड ५४ लाख ३० हजार ६२० रुपैयाँ प्रिमियम संकलन गरेका हुन् ।

अहिले कोरोना भाइरस बीमा अस्पताल तथा कपोरेट हाउस मात्रै नभएर सर्वसाधारणले पनि गर्न थालेका छन् । माहामारीको रुपमा फैलिएको कोरोना भाइरसलाई मध्येनजर गर्दै बीमा समितिले वैशाख ७ गतेदेखि उक्त बीमा पोलिसी संचालनमा ल्याएको थियो ।  साथै समितिले नै ८० जना कर्मचारीको कोरोना बीमा गराइसकेको छ ।