- अर्थ सरोकार सम्बाददाता
धनकुटा । धनुकटाका कोरोना संक्रमित पुरुष नेपाल प्रहरीका जवान भएको खुलेको छ । स्वास्थ्य तथा जनसंख्या मन्त्रालयले बिहीबार बिहान ६ः५० बजे धनुकटाका एक व्यक्तिमा संक्रमण भएको पुष्टि गरेको थियो ।
३४ वर्षिय उनलाई जिल्ला अस्पताल, धनकुटामा कार्यरत रहेका बेला उनलाई संक्रमण सरेको हुनसक्ने आशंका गरिएको छ । संक्रमित प्रहरीलाई विराटनगर पठाइएको जिल्ला प्रशासन कार्यालय, धनकुटाले जनाएको छ ।
जिल्ला प्रशासन कार्यालय, धनकुटाका अधिकृत जयराम श्रेष्ठका अनुसार संक्रमित प्रहरी अस्पतालमा उपचाररत एक जना बलात्कृत बालिकाको सुरक्षामा खटिएका थिए ।
