• अर्थ सरोकार सम्बाददाता 

वीरगञ्ज – वीरगञ्जमा कोरोना भाइरसको उपचारपछि निको भएका दुई जनामा फेरि कोरोना ‘पोजेटिभ’ देखिएको छ । वैशाख १४ गते निको भई घर फर्किएका वीरगञ्जका २ जनामा फेरि कोरोना संक्रमण देखिएको हो ।

कोरोना भाइरस पुन: पोजेटिभ देखिनेमा एक भारतीय मुस्लिम र अर्का रौतहटका १९ वर्षीय किशोर हुन् । भारतीय मुस्लिम समुदायका एक जनालाई ३० चैतमा र रौतहटका एक किशोरलाई १ वैशाखमा कोरोना पुष्टि भएको थियो । अहिले उनीहरु दुबै जनालाई आइसोलेसना राखिएको छ ।

दुबै जना वैशाख १४ गते एकैसाथ डिस्चार्ज भएका थिए । नेपालमा हालसम्म कोरोना संक्रमितको संख्या ८२ पुगेको छ । मंगलबार मात्र नेपालमा थप ७ जनामा कोरोना पुष्टि भएको थियो ।