• अर्थ सरोकार सम्बाददाता 

काठमाडौं । कालिमाटी प्रहरी वृत र मातहतका सबै प्रहरी कर्मचारीहरुको पिसिआर रिपोर्ट नेगेटिभ आएको छ।जेठ ७ गते महानगरीय प्रहरी वृत्त कालिमाटीमा कार्यरत दुई प्रहरीमा कोरोना पोजेटीभ देखिएपछि वृतअन्तर्गत रहेका करिव २ सय प्रहरीको पिसिआर गरिएको थियो । 

सहकर्मी २ प्रहरी कोरोना पोजेटिभ भएको ११ दिनपछि कालिमाटी वृत्त अन्तर्गतका प्रहरीको पिसिआर रिपोर्ट आएको हो । वृतमा कार्यरत एक सई र जवानमा कोरोना परिक्षणमा पोजेटिभ देखिएपछि उनीहरुलाई सशस्त्र प्रहरी बलको अस्पताल बलम्बु लगेर महानगरीय प्रहरी वृत्त कालिमाटी अन्तर्गतका सबै प्रहरीलाई क्वारेन्टीनमा राखिएको थियो।