• अर्थ सरोकार सम्बाददाता 

काठमाडौं । महानगरीय प्रहरी वृत्त,  कालिमाटीमा कार्यरत दुई जना प्रहरीमा कोरोना संक्रमण पुष्टि भएपछि प्रहरीका ६ वटा इकाइ सिल गरिएको छ । कालीमाटी वृत्तसँगै रहेको महानगरीय ट्राफिक प्रहरी प्रभाग र महिला सेललाई सिल गरिएको हो । यस्तै बल्खु, कलंकी र स्यूचाटार प्रहरी प्रभाग पनि सिल गरिएको छ ।

उक्त इकाईहरुमा कार्यरत सबैको स्वाब संकलन गरेर परीक्षण गर्ने तयारी पनि भइरहेको छ । टेकुस्थित प्रयोगशालाले मंगलबार बेलुकी कालीमाटीका एक जना सई र जवानमा कोरोना भाइरसको संक्रमण देखिएको विवरण प्रहरीलाई दिएको थियो ।