">
- अर्थ सरोकार सम्बाददाता
बुटवल । रुपन्देहीको मणिग्रामस्थित क्रिमसन अस्पतालका चिकित्सक, बिरामी र बिरामी कुरुवामा मंगलबार कोरोना परीक्षण गरिने भएको छ । उक्त अस्पतालमा उपचारत गुल्मीका एक पुरुषमा सोमबार कोरोना पुष्टि भएसंगै अस्पतालमा कार्यरत चिकित्सक, बिरामी र बिरामी कुरुवाकोसमेत कोरोना परिक्षण हुने भएको हो ।
प्रदेश स्वास्थ्य निर्देशनालयका निर्देशक डा. विनोद गिरीका अनुसार अस्पतालभित्र रहेकाहरुको स्वाब संकलनका लागि पीपीई लिएर जाने तयारी भइरहेको छ । स्थानीय प्रशासनले अस्पताललाई सोमबार सांझदेखि नै सिल गरेको छ । सिल गरेपछि डाक्टर, नर्ससहित १ सय २५ जना र कर्मचारी, ३७ जना भर्ना भएका विरामी र विरामीका कुरुवा करिब ८० जना अस्पतालभित्रै छन् ।
संक्रमित व्याक्क्ति आईसीयूमा भेन्टिलेटरको सहायताले उपचार भइरहेको अस्पतालले जनाएको छ ।
