- अर्थ सरोकार सम्बाददाता
दाङ । तुलसीपुर उपमहानगरपालिका–१७ बेलझुण्डीमा उपचार ८ जना कोरोना संक्रमित व्यक्ति निको भएका छन् । दुई पटकसम्म गरिएको कोरोना परीक्षणमा रिपोर्ट नेगेटिभ आएपछि उनीहरुलाई आज घर पठाउन लागिएको कोरोना विशेष अस्पताल बेलझुण्डीका व्यवस्थापक दोर्णबहादुर वलीले बताए ।
व्यवस्थापक वलीका अनुसार आज निको भएर घर जानेमा कपिलवस्तुका ४ जना, बाँकेका ३ जना र दाङको गढवाका एक जना सहित ८ जना छन् । उनीहरुलाई आज दिउँसो १२ बजेसम्म औपचारिक कार्यक्रम गरेर विदाई गरिने छ । ४५ जना मध्य ८ जना निको भएपछि अब त्यहाँ ३७ जना कोरोना संक्रमित रहेका छन् ।
