• अर्थ सरोकार सम्बाददाता 

दार्चुला । दार्चुलामा पहिलो पटक २१ वर्षीय पुरुषमा कोरोना संक्रमण पुष्टी भएको छ । जेठ ८ गते धारचुला नाकाबाट भित्रिएका महाकाली नगरपालिकाका पुरुषमा कोरोना पुष्टी भएको हो । उनी भारतको दिल्लीबाट आएको बुझिएको छ ।

उनको पिसिआर रिपोर्ट पोजेटिभ आएको स्वास्थ्य कार्यालय दार्चुलाका प्रमुख जयराज भट्टले बताए । जेठ ८ गते धारचुलाको नाकाबाट उनीसंगै ३१९ जना भित्रिएका थिए । २१ वर्षीय युवकलाई महाकाली नगरपालिकाको क्वारेन्टाइनमा रखिएको थियो । उनी संगै बसेका अन्यको रिपोर्ट आउन बाँकी रहेको छ । कोरोना संक्रमितको जिल्ला अस्पताल दार्चुलामा उपचार भइरहेको अस्पताल स्रोतले जनाएको छ । यद्यपि स्वास्थ्य तथा जनसंख्या मन्त्रालयले भने पुष्टि गर्न बाँकी छ ।