- अर्थ सरोकार सम्बाददाता
काठमाडौं । भारतको राजधानी दिल्लीमा कोरोनाभाइरसको प्रकोप दिनानुदिन बढ्दै गएको छ । पछिल्लो २४ घन्टाको अवधिमा दिल्लीमा ७९२ नयाँ संक्रमित फेला परेका छन् । अघिल्लो दिन ५०० संक्रमित फेला परेका दिल्लीमा एकैपटक झन्डै ३०० को हाराहारीमा संक्रमितको संख्यामा उछाल आएको हो । दिल्लीमा हालसम्म १५ हजार २७५ जनामा कोरोना संक्रमण पोजेटिभ देखिसकिएको छ। जसमा ७ हजार ६९० याक्टिभ केस छन् ।
दिल्ली सरकारका तर्फबाट जारी बुलेटिनअनुसार हालसम्म दिल्लीमा कोरोनाबाट ३०३ संक्रमितको ज्यान गइसकेको छ। त्यसो त दिल्लीमा निको भएर अस्पतालबाट डिस्चार्ज हुने कोरोना संक्रमितको संख्या पनि पछिल्लो २४ घन्टा ३४० रहेको छ। हालसम्म दिल्लीमा ७ हजार २६४ जना निको भएर घर फर्किसकेका छन्। जुन कुल संक्रमित संख्याको ४७।५ प्रतिशत हुन आउँछ । – एजेन्सी
