">
- अर्थ सरोकार सम्बाददाता
काठमाडौं । अनलाइन व्यापारमार्फत सर्जिकल र मेडिकल सामग्री बढी मूल्यमा बेच्ने टेलिमार्ट नेपाललाई २ लाख रुपैयाँ जरिवाना गरिएको छ । वाणिज्य, आपूर्ति तथा उपभोक्ता संरक्षण विभागले उक्त अनलाइन व्यापार स्टोरलाई बुधबार कारबाही गरेको हो ।
टेलिमार्ट नेपाल अनलाइनले एन ९५ माक्स, थर्मल गन, पर्सनल प्रोटेक्टिभ इक्विपमेन्ट (पीपीइ) सेटलगायत सामग्री बढी मूल्य लिई बिक्री वितरण गरेको पाइएको थियो ।
विभागले बुधबार नै आरएल ट्रेडर्स काभ्रेस्थलीलाई पनि २ लाख रुपैयाँ जरिवाना गरेको छ। अधिकतम खुद्रा बिक्री मूल्य ४० रुपैयाँ तोकिएको सेन्सेटिभ बेबी वाइप्सलाई उक्त पसलले २ सय १० रुपैयाँमा बिक्री वितरण गरेको भेटिएको थियो ।
