">
- अर्थ सरोकार सम्बाददाता
धादिङ । बिहीबार कोरोना संक्रमण पुष्टि भएको धादिङकी महिला चन्द्रागिरि नगरपालिका सतुंगलको अमरवस्ती क्षेत्रमा बस्ने गरेको पाइएको छ । धादिङको गल्छी गाउँपालिका– ८ की ३० वर्षकी उनी लकडाउनकै बीचमा काठमाडौंबाट धादिङ गएको र वैशाख २७ गते काठमाडौं फर्किएको पाईएको हो ।
उनलाई कोरोना संक्रमण परीक्षणकै लागि काठमाडौं पठाइएको धादिङका प्रमुख जिल्ला अधिकारी अस्मान तामाङले बताए । यस्तै शुक्रबार विहान बसेको जिल्ला सुरक्षा समितिको बैठकले गल्छी गाउँपालिकालाई सिल गर्ने निर्णय गरेको छ ।
प्रमुख जिल्ला अधिकारी तामाङले पूर्वमा चैनपुर चुली, पश्चिममा नेपाली सेनाको ६ नम्बर बाहिनी अड्डा, उत्तरमा महेशखोला र त्रिशुली नदी र दक्षिणमा पृथ्वी राजमार्गको गल्छी बजारबाट नुवाकोट जाने सडकको बीच क्षेत्रलाई शिल गर्ने निर्णया भएको बताए ।
