• अर्थ सरोकार सम्बाददाता 

बागलुङ । कोरोना संक्रमणको आशंकामा एक जनालाई धौलागिरी अस्पताल बागलुङको आइसोलेसन वार्डमा भर्ना गरिएको छ । धौलागिरी अस्पतालका निमित्त मेडिकल सुपरिटेण्डेन्ट डा. शैलेन्द्र वि. पोखरेलका अनुसार गल्कोट नगरपालिका–६ चरौदीकी ६५ बर्षीया महिलालाई कोरोनाको शंकास्पद लक्षण देखिएपछि स्वाब संकलन गरी आइसोलेसनमा राखिएको हो । 

उच्च ज्वरो र खोकी लागेपछि उपचारको लागि गल्कोटबाट बागलुङ आएकी उनलाई कोरोना आशंकामा स्वाब संकलन गरी आइसोलेसनमा राखिएको डा. पोखरेलले बताए । उनको स्वाब परीक्षणको लागि बिहिबार पोखरा स्वास्थ्य विज्ञान प्रतिष्ठानमा पठाइएको छ ।