- अर्थ सरोकार सम्बाददाता
काठमाडौं । नेपाल धितोपत्र बोर्डले सेयर बजार बन्द गर्न नेप्सेलाई निर्देशन दिएको छ । नेपाल धितोपत्र बोर्डले नेप्सेलाई पत्र लेखेर सेयर कारोबार बन्द गर्न निर्देशन दिएको हो । नेपाल धितोपत्र बोर्डका अध्यक्ष भिष्म राज ढुंगानाले उपत्यकामै कोरोना संक्रमित थपिएपछि लकडाउन कडा पारिएकाले बजार बन्द गर्ने निर्णय गरिएको बताए ।
केहि दिन अघि सरकारले संचालनको अनुमति दिएसँगै बोर्डले कारोबार बैशाख ३० गतेदेखि आंशिक रुपमा खुला गर्ने निर्णय गरेको थियो । सर्किट ब्रेकको व्यवस्थालाई २ प्रतिशतमा झारेर कारोबार गर्दा पनि दुबै दिन बजारमा नेगेटिभ सर्किट लागेको थियो ।
