- अर्थ सरोकार बीमा ब्युरो
काठमाडौँ । सिद्धार्थ इन्स्योरेन्स लिमिटेडको कमलादी शाखामा फ्रन्ट डेस्कमा बस्ने महिला कर्मचारीलाई कोरोना पोजेटिभ देखिएको छ । कोरोनाको त्रासले देशभर लकडाउन भएपछि उनी भैरहवा पुगेकी थिइन् । भैरवहाबाट काठमाडौँ आए पछि स्वाब परिक्षण गर्न दिएकी उनी उपत्यकाबाहिरबाट आएपछि कार्यालय गइन् । यसो त उनलाई कम्पनीले नै काठमाडौँ बोलाएको थियो ।
काठमाडौँस्थिति कमलादी शाखामा कोरोना संक्रमणपछिसमेत पुगेकी उनी कोरोना संक्रमण पुष्टी भएपछि हाल असपतालमा छिन् । कम्पनीकै जिद्दीले उनी काठमाडौँ फर्कंदा उनीसँगै कोरोना संक्रमण काठमाडौँ भित्रियो । तर यस्तो बेलामा झन् संवेदनशील हुनुपर्ने ठाउँमा सिद्धार्थ इन्स्योरेन्सले लापरवाहीको हद नाघेको छ ।
उक्त प्लाजामा मुक्तिनाथ बिकास बैंक, ज्योति बिकाश बैंक, बिओके क्यापिटल, हुलास स्टिलस् लगायतका कम्पनी छन् । प्लाजामा यतिसम्म लापरवाही गरिएको छ कि प्लाजामा रहेका सुरक्षा गार्ड मास्कसमेत नलगाई ड्युटीमा बसेका छन् भने सोहि प्लाजामा रहेका एटिएमहरुमा सेनिटाईजरको व्यवस्थासमेत गरिएको छैन । तर यस विषयमा कम्पनीका प्रमुख वीरेन्द्र वैदवार क्षेत्री बोल्नै मानिरहेका छैनन् ।
कम्पनीको चरम लापरवाहीबारे अर्थ सरोकार बीमा ब्युरोले तयार गरेको यो भिडियो रिपोर्ट हेर्नुहोस्
