- अर्थ सरोकार सम्बाददाता
काठमाण्डौ – फर्स्ट माइक्रोफाइनान्स लघुवित्त वित्तीय संस्थाको चालु आर्थिक वर्षको तेस्रो त्रैमासको वित्तीय विवरण सार्बजनिक गरेको छ । सार्बजनिक गरेको विवरण अनुसार संस्थाको खुद नाफा ५.६८%ले घटेको छ । गत वर्ष ९ करोड १८ लाख रुपैयाँ खुद नाफा आर्जन गरेको संस्थाले यो वर्ष ८ करोड ६६ लाख रुपैयाँमा सिमित रहेको छ ।
यस्तै, संस्थाको खुद ब्याज आम्दानी र सञ्चालन नाफा पनि घटेको छ । खुद ब्याज आम्दानी ४.२६%ले घटेर १३ करोड ८७ लाख रुपैयाँमा खुम्चिएको छ । गत वर्ष संस्थाको खुद ब्याज आम्दानी १४ करोड ४९ लाख रुपैयाँ रहेको थियो । यता सञ्चालन नाफा पनि १४ करोड ४४ लाख रुपैयाँ घटेर १३ करोड ७३ लाख रुपैयाँमा सीमित बनेको छ ।
यो तेश्रो त्रैमाससम्ममा संस्था ५ अर्ब ६८ करोड रुपैयाँ सापटी लिई ५ अर्ब ५७ करोड रुपैयाँ कर्जा प्रवाह गरेको छ। संस्थाको चुक्तापुँजी १७%ले बढेर ८० करोड पुगेको छ । जगेडा कोषको आकार भने २.४२%ले बढेर १९ करोड ३८ रुपैयाँ पुगेको छ । गत वर्ष जगेडा कोषमा १८ करोड ९२ लाख रुपैयाँ रहेको थियो ।
संस्थाको प्रतिसेयर आम्दानी घटेर १४.४३ रुपैयाँमा सीमित बन्न पुगेको छ। गत वर्ष यही अवधिमा संस्थाको ईपीएस १७.९० रुपैयाँ रहेको थियो।
