">
- अर्थ सरोकार सम्बाददाता
काठमाडौँ – फरवार्ड कम्युनिटी माइक्राेफाइनान्स वित्तीय संस्थाले चालु आर्थिक वर्षको तेश्रो त्रैमासको वित्तीय विवरण सार्वजनिक गरेको छ । सार्वजनिक गरेको विवरण अनुसार संस्थाले २१ करोड ७६ लाख रुपैयाँ खुद नाफा कमाएको छ। यो नाफा गत वर्षको सोहि अवधिको तुलनामा ७.७४%ले कम हो । गत वर्षको यसै अवधिमा संस्थाले २३ करोड ५८ लाख रुपैयाँ खुद नाफा कमाएको थियो ।
यस्तै, संस्थाको खुद ब्याज आम्दानी ५९ करोड ८ लाख रुपैयाँबाट घटेर ५६ करोड २१ लख रुपैयाँमा झरेको छ भने सञ्चालन नाफा ३६ करोड ९९ लाख रुपैयाँबाट घटेर ३४ करोड १८ लाख रुपैयाँमा झरेको छ। संस्थाको खुद ब्याज आम्दानी र सञ्चालन नाफा घटेसँगै निष्क्रिय कर्जा बढेपछि खुद नाफा घटेको हो।
यो तेश्रो त्रैमाससम्ममा संस्थाले ५ अर्ब ४३ करोड रुपैयाँ निक्षेप संकलन गरी ११ अर्ब ८२ करोड रुपैयाँ कर्जा लगानी गरेको छ । ५० करोड रुपैयाँ चुक्ता पूँजी रहेको माइक्रोफाइनान्सको जगेडा कोषमा ८९ करोड ७ लाख रुपैयाँ रहेको छ।
यस अवधिमा संस्था को खराब कर्जा ०.७६ प्रतिशतबाट बढेर १.०६ प्रतिशत पुगेको छ । प्रकाशित वित्तीय विवरण अनुसार संस्थाको प्रतिशेयर आम्दानी ५९ रुपैयाँ ९८ पैसा, प्रतिशेयर नेटवर्थ २७८ रुपैयाँ र मुल्य आम्दानी अनुपात ३१.७३ गुणा रहेको विवरणमा उल्लेख छ।
