• अर्थ सरोकार सम्बाददाता 

काठमाडौँ – छिमेकी राज्य भारतमा कोरोना संक्रमित दिनप्रतिदिन बढ्दै गइरहेको छ। भारतमा कोरोना संक्रमितका संख्या ९० हजार नाघेको छ । भारतको केन्द्रीय स्वास्थ्य तथा परिवार कल्याण मन्त्रालयका अनुसार पछिल्लो २४ घण्टाको अवधिमा भारतमा ३ हजार ९७० नयाँ संक्रमित भेटिएका छन् । यो समेत गरेर भारतमा अहिलेसम्म ९० हजार ९२७ जनामा कोरोनाभाइरसको संक्रमण रहेको छ । 

भारतमा कूल २ हजार ८७२ जनाको कोरोनाभाइरसको संक्रमणबाट मृत्यु भइसकेको छ । पहिल्लो २४ घण्टामा भारतमा कोरोनाका कारण १ सय ३ को मृत्य भएको छ । कुल संक्रमितमध्ये करिब ३४ हजार १०९ जना निको भएर डिस्चार्ज भएका छन् । पछिल्लो २४ घण्टाको अवधिमा झण्डै ४ हजार मानिस निको भएर अस्पतालहरुबाट डिस्चार्ज भएको पनि मन्त्रालयले जनाएको छ । 

भारतीय राज्य महाराष्ट्रमा ३० हजार ७०६ जनामा कोरोना देखिएको छ भने गुजरात र तामिलनाडूमा क्रमशः १० हजार ९८८ जना र १० हजार ५८५ जना कोरोना संक्रमित भेटिएका छन् । भारतीय राजधानी नयाँदिल्लीमा भने ९ हजार ३३३ जनामा कोरोना पुष्टि भएको छ ।